helwanscout

مرحبا
helwanscout

تم فتح باب التسجيل للاشراف على المنتدى وعلى من يرغب كتابة جميع بياناته وماذا فى اعتقاده ان يفعل للنهوض بالمنتدى فى المقترحات
سوف يتم تحديد اجتماع لاختيار المشرفين الجدد قريب وسوف نعلن عنه لحضور جميع الاعضاء للموافقه على ترشيحات المشرفين الجدد
تم بحمد الله انشاء اول جروب لتجاره حلوان على الفيس بوك و هذا من اجل البقاء مع الاعضاء لفتره اطول و الاستفاده من جميع خدمات الشبكه العنكبوتيه و الى الامام دائما رابط الجروب https://www.facebook.com/group.php?gid=146340706332&ref=mf كونو معنا

موقف محرج

شاطر
avatar
ZOOM
مشرفة تجاره حلوان
مشرفة تجاره حلوان

موقف محرج

مُساهمة من طرف ZOOM في الخميس نوفمبر 19, 2009 8:54 pm

ازيكواااااااااااا يا جماعة انا عايزة بقى كل اللي يدخل هنا يحكيلي على اكتر موقف محرج اتعرضلو

وكل ما يفتكرو ما بيبطلش ضحك او زعل


/.... ملحوظة ..../

{ احكو بالتفصيل وبضمير }

وانا هاقولكم بس في الاخر


lol! lol! lol! lol! lol!
avatar
مروة حامد
المشرف / ة المميز لهذا الشهر
المشرف / ة المميز لهذا الشهر

رد: موقف محرج

مُساهمة من طرف مروة حامد في الجمعة نوفمبر 20, 2009 7:30 pm

ماشي ياست الصمير انتى
انا موقفى غريب على مربك على حاجات كتيرة اوى
قبل متخطب لابراهيم خطيبى حاليا مكونتش اعرفة
ولانة يبقى بن واحد صاحب صاحب بابا والموضوع كان مع بابا حتى يوم ماجية يتعرف عليا بابا مقليش كل الى قالة انة عازم واحد صاحبة وعيلتة وكدة وقالينا مين صاحبة دة لاننا عرفينة طبعاااااااااااااا وجهزنا نفسنا عشان الضيوف صحاب بابا وبس مش اكتر من كدة ولما الناس جت طبعا ماما دخلت وسلمت وبعدين انا وانا بسلم بقة هو دة الموقف الى كان قاعد الاول صاحب بابا الى انا اعرفة وبعدية ابراهيم والخ فانا روحت على الى انا عرفاااااااااااااة وسلمت الى هو صاحب بابا وبعد كدة ابتسمت خفيف وسلمت على الباقى عادى لانى معرفهومش ولما خلصت لاقيت بابا بيقولى ابراهيم خطيبك وحماكى عمك احمد طبعا لاتتخيلوا شكلى لدرجة ان ابراهيم مش نسيهالى لحد دوقتى تنحت وضحكت وقولت لبابا والله بجد ومشيت بسرعة الصاروخ لانى مكونتش شايفة قدامى وشي احمر لدرجة انى كنت حاسة انى عنينا بقيت لونها احر دة غير لبس الالعاب الى كنت لابساة كانى رايحة النادى بالظبط مهم ناس صحابنا عادى مش محتاجين لبس رسمى بقى فى واحدة يحصل معاها كدة يلا اهو فى الاخر بقى خطيبى
avatar
tito
العضو / ة المميز لهذا الشهر
العضو / ة  المميز لهذا الشهر

رد: موقف محرج

مُساهمة من طرف tito في الإثنين نوفمبر 23, 2009 1:11 am

هو انا مش عندي موقف محرج بس عندي موقف مضحك وينفع محرج بس في نصفه التاني
انا في بنت معايا في الدرس هموت واكلمه بس ايه كلمتها
بس عرفه كلمته فين في الحلم
وكل اللي كان نفسي اقولو لها قولتو في الحلم تاني يوم
لقيتها هي اللي جيه تكلمني فا كنت خلاص اول حلم احل بيه ويتحقق تاني
يوم بس كنت فرحا جداا وكل اما افتكر اموت من الضحك علي اللي حصل في الحلم
وسلام
الفرعون الصغير
avatar
Bakr_scout
مرشح جوال
مرشح جوال

رد: موقف محرج

مُساهمة من طرف Bakr_scout في الخميس نوفمبر 26, 2009 11:05 pm

اممم
قلبتى علينا المواجع

بصوا انا هحكيلكوا موقف جامد جدا من المواقف الى متتنسيش فى العشيرة
فى يوم كنا مخلصين معسكر الاعداد وكان فى مركز شباب الجزيرة
المهم حملنا الخشب والمراتب والخيام وكله كله على عربية واحده
المهم الناس كلها كسلت تروح الجامعه بالمترو وكلهم ركبوا فوق العربية
لكم ان تتخيلوا ان العربية مش فيها مكان اصلا
وارتفاعها من الحاجات جامد اوى
والناس يا اما قاعدين فوق يا اما متعلقين فى اى حتة
المهم
وهما ماشيين الحبل اتقطع وهما ماشيين فى شارع الكورنيش
وتخيلوا ان المراتب وقعت والناس وقعوا على الارض
ولولا ستر ربنا كان حصلهم اصابات جامده
المهم رحنا كلنا الجامعه كويسين
واضطرينا نبات فى الجامعه
كان مين بقا معانا
رفاعى وميزو ومحمود ومحمد رضا
وبكر وكامبا وعصام
المهم
رفاعى وميزو ومحمد رضا ناموا فوق
وانا وكامبا وعصام نمنا فى وسط الدوران الى مكان المركبة الوقتى\
المهم كان فى مية ضاربة فى الشارع بس شوية صغيارين
سالنا عم عزت وقلناله المية دى ايه
قالنا مش تخافوا ولو المية زادت انا هصحيكوا قلنا فل اوى
ونمنا
وانا نايم حاسس ان الدنيا برد
اثبت نفسى وقلى اكيد شدوا البطانيا من عليا بس انا عمل عبيط واكمل نوم
وعلى كدا لحد محسيت ان البرد بقا جامد اوى
قلت لا
انا هصحى
اشوف حاجة اتغطى بيها
وكانت المفاجاة
اننا نايمين فى وسط الميا وايه
مش اى ميا دى دى مسورة المجارى ضاربة
والمشكلة الى بجد ان مش فى مكان نستحمى فيه
غير كدا وكدا كانت الساعه 7 الصبح
والطلاب بداوا يجوا الجامعه
قمنا زى محنا
وصحينا بقيت الناس
وفرشنا ارضية الخيمة
وقعدنا كلنا نفطر
فى وسط الدوران الى قدام الكلية
وتخيلوا بقا بنفطر ايه
بيض وجزر وطماطم وجبنة وعسل اسمر وعيش بقا وحلاوة طحنية
وتخيلوا ان شكلنا وقتها
شعر منعكش لبس متوسخ
ريحا مش هقلكم وشوش متربة
غير منظر الاكل
غير الحاجة الى جامدة اوى
ان الطلاب بتوع الجامعه كلها كانوا واقفين يتفرجوا علينا
دى من المواقف اللذيذة الى مش تتنسى
avatar
mero
المشرف / ة المميز لهذا الشهر
المشرف / ة المميز لهذا الشهر

رد: موقف محرج

مُساهمة من طرف mero في الخميس ديسمبر 03, 2009 1:20 am

ههههههههههههههههههههههههههههههههههههههههههههههههههه
avatar
tito
العضو / ة المميز لهذا الشهر
العضو / ة  المميز لهذا الشهر

رد: موقف محرج

مُساهمة من طرف tito في الخميس ديسمبر 03, 2009 3:36 pm

هيه ده ضحكه ولا قطر
avatar
نوبل
مشرف تجاره حلوان
مشرف تجاره حلوان

رد: موقف محرج

مُساهمة من طرف نوبل في السبت ديسمبر 05, 2009 12:28 am

لا الموقف اللى معايا محتاج ناس قلبها جامد
لانه فيه عفاريت والكلام ده
المهم
كنت انا وخمسة من اصحابى
محمد ممدوح واحمد جميل ومحى الدين واحمد مطرة وكريم النجار
كنا قاعدين نذاكر فى بيت بتاعى فى منطقة اسمها الخصوص
وطبعا كعادة اللمة فى ناس عايزة تذاكر وناس ترغى
المهم كلنا قعدنا الا ممدوح قال انا هذاكر ونزل الدور الارضى عشان يذاكر
وانا كصاحب البيت شوية ونزلت وراه اطمن عليه واشوفه يشرب حاجة ولا لا
ونزلت لقيته واقف وماسك كنكة قهوة فى ايده ةبيحاول يحطها فى الحيطة
سالته فى ايه قالى ان الكنكة دى وقعت من الحيطة ومش عارف كانت موجودة فيها ازاى ووقعت وقعدت تلف كتير
المهم لقيت ن الكنكة دى هى الكنكة اللى كانت ضايعة مننا من سنتين
قلت عادى ذاكر ومتاخدش فى بالك ولسه متحركناش
ولقينا معلقة وقعت بنفس الطريقة
طبعا انتو عارفين ايه اللى حصل بعد كده
المهم دلوقتى نقصنا واحد
وطلعت فوق بعد مروح ممدوح لقيت الناس بتسالنى على زجاجة ميه كنا بنشرب فيها
دورنا عليها وفى الاخر لقيناها فى الحمام
وانا اللى لبست فى انى دخلتها على الرغم من انى كنت حاطتها فى الاودة بتاعتان
وبعدها بكام يوم نزل محى وجميل يصلوا وسابونى نايم
ورجعو لقوا ان توب الترنج بتاع حميل مشوش عليه قشر لب
او مرصوص رصوناشف
وبالطبع اصحى اصحى
انت ازاى تاكل لب وترمى القشر على الهدوم
واحلف انى مش انا وفى النهاية سابونى لان كان فى حاجة بتقول انى مش اناجواهم
وطبعا الناس كلها عرفت ان البيت فى عفاريت ومفيش حد قعدوخاصة بعد ما ظهرت كمان زواحف
زى حبل صغير(صغير الثعبان) وكمان برص اكبر من كف الايد الكبيرممكن نقول يلبس جزمة 45
وعلى الرغم من كده احنا قعدنا فى البيت ده اكتر من شهرين ونص
وطبعا كان فيه مواقف تانيه لينا فى البيت


================ تجاره حلوان ================
من اجل بسمة ضحكة ترتسم على وجوه الناس من اجل الشئ الذى نستمر به ولا نستطيع العيش من دونه
عاشق البسمة
نوبل

بكرة الثلج يدوب والشمس تطلع
avatar
ZOOM
مشرفة تجاره حلوان
مشرفة تجاره حلوان

رد: موقف محرج

مُساهمة من طرف ZOOM في السبت ديسمبر 05, 2009 2:07 am

ايه الرعب دا!!!!!!!!!!!!!!!!!!!!!!



affraid affraid affraid affraid


================ تجاره حلوان ================

It is a nice feeling when you know that some one loves you, misses you, needs you
but it is better when you know that's some one never ever forgets you
That's me

    الوقت/التاريخ الآن هو الإثنين نوفمبر 19, 2018 4:40 pm