القلب يعشق كل جميل...
وياما شفتى جمال ياعين
واللى صدق فى الحب قليل!!!
وان دام ...يدوم يوم ولا يومين
واللى هويته اليوم....
دايم وصاله دوم
لايعاتب اللى يتوب...
ولا فى طبعه اللوم
واحد مافيش غيره...
ملا الوجود نوره
دعانى لبيته....لحد باب بيته
واما تجلى لى....بالدمع ناجيته
واما تجلى لى....بالدمع ناجيته
كنت ابتعد عنه...
وكان ينادينى!!!
ويقول مسيرك يوم...
تخضعلى وتجينى
طاوعنى ياعبدى...
طاوعنى انا وحدى
مالك حبيب غيرى...
قبلى ولا بعدى
أنا اللى اعطيتك من غير ما تتكلم؟؟؟
وانا اللى علمتك من غير ما تتكلم!!!
واللى هديته اليك لو تحسه باديك....
تشوف جمايلى عليك
من كل شئ أعظم...
سلم لنا.... تسلم
دعانى لبيته....لحد باب بيته
واما تجلى لى....بالدمع ناجيته
واما تجلى لى....بالدمع ناجيته
الشاعر الكبير
بيرم التونسى