helwanscout

مرحبا
helwanscout

تم فتح باب التسجيل للاشراف على المنتدى وعلى من يرغب كتابة جميع بياناته وماذا فى اعتقاده ان يفعل للنهوض بالمنتدى فى المقترحات
سوف يتم تحديد اجتماع لاختيار المشرفين الجدد قريب وسوف نعلن عنه لحضور جميع الاعضاء للموافقه على ترشيحات المشرفين الجدد
تم بحمد الله انشاء اول جروب لتجاره حلوان على الفيس بوك و هذا من اجل البقاء مع الاعضاء لفتره اطول و الاستفاده من جميع خدمات الشبكه العنكبوتيه و الى الامام دائما رابط الجروب http://www.facebook.com/group.php?gid=146340706332&ref=mf كونو معنا

فن تعلم الرخامة على اصولها_تعالى وشوف

شاطر
avatar
ٌRONY
قائد
قائد

فن تعلم الرخامة على اصولها_تعالى وشوف

مُساهمة من طرف ٌRONY في الإثنين فبراير 08, 2010 8:48 pm

السلام عليكم

بصراحة الموضوع دة عجبنى جدا لانى بصراحة بموت فى الرخامة

واى حد يدخل يرد بقى مبيقاش رخم واللى مش حيرد هو حر بقى

اولا

انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل على اخرة
ودى فرصتك يامعلم عشان تزهق فى خلق الله
اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس يقف والناس تنزل
انزل قلب فى الشنط وطلعها برة ووقعها وافردها فى الشارع وتوه الشنط فى بعض بحجة انك بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى الشارع تدور على شنطها

تانى حاجة وانت بتحجز خلى كرسيك جمب الشباك
ادخل انت الاول ومتقعدش فى الكرسى الى انت حاجزة لا اقعد فى الى جمبة طبعا الراجل الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل يقعد فية جرى خلية يقعد سيبة متكلموش
سيبة ساعة واتنين لحد مايكيف على المكان ويسلام لو كان نام وفى عز نومة ازغدة فى قلبة وقولة دا مكانى ياعم
هيزعق ويقول انا قعدت فية الاول طلع التذكرة وحطها فى عينة او انده للسواق او وقف الاتوبيس واعمل خناقة لحد ماتقعد مكانك

تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديلة رست شوية
خش على الى قدامك شوية افرد رجلك من تحت الكرسى وخبط فى رجلية كل شوية وان اكلم قولة اعملك اية رجلى طويلة ابقى احجزلك كرسيين ورا بعض ويسلام لو حاطط اكل تحت الكرسى اخبطة ووقعة فى الارض

وكدة يبقى خلصت على الى قدامك ارجع للى جمبك تانى
اول مينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت بتعدى حط ايدك على وشة
دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فية ضحية تالتة
قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد
واما تخرج لو لاقيتة لسة مستنى قولة على فكرة المية قطعة وسيبة وامشى

كدة يبق انت كفرت كل الى فى الاتوبيس تقولى ياستى انتى مزهقتيش غير تلاتة هقولك لا
بطريقة الشنط زهقت شوية
واتمنى ليكم رحلة خنيقة


تانى حاجة فى الحياة العملية اللولبية ادخل اى محل جزم ويسلام لو كان فية زباين اقعد استنى لحد مازبون يقلع جزمتة عشان يقيس
تقوم سادد منخيرك وتمسك بطنك وتقول اووووووووووووف وتعمل اكنك عايز ترجع وتقول لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى زى الطمطماية



تالت حاجة

ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وهقهق اوى ويسلام لو وقعت على الارض من الضحك وبصلة من فوق لتحت خلية يشك انة مسخرة هتلاقية عملها على روحه

رابع حاجة

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول عشان انت جى الاول قولة لا خلص المزمزيل الاول هتقولك شكرا والراجل هيقوك اوك اول مايبدا معاها زعق اوى وقولة اية ياعم مش انا جى الاول ولا هيا كوسة ولا عشان بنت يعنى سبحان الله يجدعان نموت نفسينا يعنى عشان رجالة وسيبة وامشى قبل مايكلم ولا كلمة



رابع حاجة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل فى الشارع وبصلة شوية بقرف وامشى فى حالك


خامس حاجة

وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة طبعا هيتحرجوا يكلموك بس هما اصلا ميتين من الغيظ

سادس حاجة
لا مفيش حاجة...اتعلم بقى


سابع حاجة

وانت بتاكل في اي مطعم ارمي نفسك علي الارض وصرخ وسمع الناس اللي بتاكل وقول جالي تسمم من الاكل
ورخم اكتر ومدتفعش حساب الاكل وامشى على كدة

ثامن حاجه
سوق عربيتك في الاتجاه المعاكس واي عربيه تعدي من جنبك اشتم صاحبها

اول متشوف حد دخل الحمام تروح تخبط وتقولة بسرعة لو سمحت مزنوق
هو انت اية مقدامك الحمام فاضى من الصبح
لو سمحت خلص بسرعة عشان مش قادر استحمل
ويمين شمال كلام متبطلش كلام لحد ميطلع ويفضل ييشتم فيك
وطبعا تيك ات ايزى
ادخل الحمام بقا
ويا ريت لو تاخد كوباية شاى معاك
خليك جوة بقا نص ساعة ساعة عادى البيت بيتك وبعدين دا بيت الرحة
وطبعا العكس تماما لو انت ف الحمام وفى حد برا عاوز يدخل ومستعجل
لازم تخلية يكرة نفسة
قولة عايز اية هيقولك عايز ادخل الحمام قولة لية
هيقولك مش محتاجة سؤال خلص عشان مزنوق
قولة مزنوق ف كام انا محوش ف الحصالة اتنين وتلاتين جنية وخمسة وسبعين قرش ممكن اسلفك نص جنية وافك زنقتك
من الاخر سوق الهبل وسوق العبط بس متزودش السرعة عشان الحوادث
سوق على مهلك ومتطولش عشان لو سيبتة برا الحمام ممكن تحصل كارثة هههههههه
طبعا حوار التليفزيون جامد جدا وقديم ومعروف وطى شوية لا على اقلب تقوم انت تقلب وتحط كارنية او اى حاجة قدام العدسة عشان ميقلبش هوا بالريموت وتتفرج عاللى انت عايزة
تشيل الحجاير من الريموت خالص
تقوم تطفى التليفزيون م الزرار وتسيب اللى معاه الريموت يقوم يفتحة وكدة يعنى كل دى حاجات ممكن نعملها ولو انت اللى معاك الريموت يا سلام بقا
اجرى بالريموت كانك ف سباق
قلب بسرعة من غير متشوف فى اية اصلا وبعدين هدى بقا
اللى يعجب اللى قاعد معاك عدية ولما يقولك اقلب اقف انت
مش هوصيك بقا
ووانت ماشى لازم تتكعبل ف سلك التليفزيون وغصب عنك طبعا

لو انت هتتكرم وتتواضع وتعصر على نفسك ليمونة وتذاكر
عايزك تحسس اهل البيت كلهم انهم شغالين عندك بمجرد انك بتذاكر
واللى يكلمك قولة والله ما هذاكر بس حاول متعملهاش مع اخواتك عشان مش هتفرق معاهم
ركز ع الا م والاب ف الحتة دى شوية
واى صوت يطلع ف البيت لازم تزعق وازاى وازاى حد يعمل صوت وسيادتك بتذاكر بغض النظر طبعا عن ان كنت انت بتذاكر ولا بتشتغل نفسك
بس مينفعش اى حد يعمل اى حركة قد ينتج عنها صوت
وطبعا محدش يقعد عالكمبيوتر وانت بتذاكر كدا هندخل ف التفرقة العنصرية
تروح تجيب والدك زى الشاطورة وتقولها مش عارف اذاكر م الصوت
طبعا هتاخدها الحماسة وهيشد الفيشة وش وبكدة تبقا رخمت على والدك او والدتك وجبتهم لحد عندك عشان يطفوا البتاع دا وكمان اللى قاعد على الكمبيوتر
انت هتذاكر لوحدك لازم كل البيت يذاكر او عالاقل يشارك وجدانيا وانت بتذاكر
وكل شوية تقولهم جعان
طبعا الاكل هييجى لحد عندك على طول لو سمحت وانا عايز شاى
واطلب واتمنى
والكلام دا
والاضاءة مش عاجبانى انا شخصيا بعمل الحتة دى كتير اوى
واللمبة دى بتتعبلى عينى
جرى اخوك الصغير اللى هيولع فى نفسة منك او هيولع فيك ويخلص
هينزل غصب عنة يجيبلك لمبة على مزاج سيادتك
ويركبوهالك
وطبعا هتحتاج سنون وبعدين استيكة ويا سلام لو براية مع انك بتكتب بألم سنون عادى بردة لازم البراية عشان راحتك النفسية
ومتطلبش طلباتك مرة واحدة اطلبها واحدة واحدة عشان اللى هينزل يشترى ينزل اكتر من مرة واللى هيعمل حاجة ف البيت يروح وييجى ومقولتش لية بالمرة قولة نسيت
انا دماغى مليانة معلومات انا بذاكر هفتكر اية ولا اية
وطبعا بعد متوفر جو هادىء بالمرة للمذاكرة
وتكون خلصت كل الحيل الممكنة ف انك ترخم عليهم لانك هتذاكر
يعنى اللى مشغل كاسيت قفلة واللى قاعد عالكومبيوتر قام واللى مشغل تليفزيون طفاه واللى بيعمل اى حاجة سابها
طبعا جة وقت النوم يا برنس
تدخل بكل برود على باباك وتقولة تصبح على خير يا دادى ولازم دادى دى
وكذلك مامى تصبحى على خير يا مامى
وبوس اخوك الصغير وقولة ميرسى كتير

لو لقيت حد مندمج مع حاجة عالنت او مع لعبة عالكومبيوتر
وانت عايز تقومة وانت كل غرضك انك تفصلة بس عشان اكيد انت متضايق عشان هو مركز واكيد لما شوفتة مركز عرق الرخامة اللى زايد عند سيادتك طلع برا كدة هتقوم جارى زى الاهبل وتقول اوبااااااااااا
اوعى كدة بسرعة
طبعا هيتخض ويقولك فى اية
قولة مصيبة قوم قوم قوم بسرعة
وكدة تكون فصلتة اقعد بقا عالكرسى كدا وقولة كنت بتاكد بس ان الكرسى سليم اصل فى اشاعة طلعت ان رجلة اتكسرت والحمد لله
ان بعد الظن اثم
الواحد ظلمة
طبعا تقولة الكلمتين دول وانت بعيد عنة
انا مش مسئولة
يا سلام لو حد طلب منك كوباية شاى عشان دماغة مصدع او اخوك الكبير جايلة ضيوف او اى حد عايز شاى ولسوء الحظ قد تم اختيارك للقيام بهذه العملية االانتحارية
انت طبعا هتبتسم ابتسامة صفرا ايوة ايوة هيا دى الضحكة الرخمة دى كانك بتقولة انا هوريك
وتقوم زى الشاطر تعلق على مية عادى جدا
وتعمل شاى عادى جدا وممكن تعمل نسكافية كاكاو اى حاجة
بس بقا المشكلة انك مش بتعرف تميز بين السكر والملح
معلش ولا يهمك هو انت هتقطع نفسك يعنى
حط بقا تلات معالق ملح هههههههه لكل واحد ولا اقولك بلاش الكرم دا كفاية اتنين اوى
وقلب وعادى جدا وبكل براءة قدم الشاى وممكن تستاذن بكل ادب وتسيب البيت وتنزل قبل محد يلمس كوبايتة اهااااااااا عشان تلحق اصحابك بقا
وممكن بقا يكون الضيوف اصحابك انت مش هينفع تسيبهم وتمشى
فانت اعمل شاى بالملح كمقلب اول مرة وحضر صينية تانية عليها طقم تانى بالسكر بقا
واللى يشرب وييجى يشتمك اغمزلة عشان يسكت لحد مالكل يشرب وبعدين كلهم هيطحنوك مش مشكلة هاتلهم بقا الشاى
معندكش كوبايات
مشكلة فعلا الموضوع دا
ولما انت معندكش كوبايات بتعزم الناس لية
روح بقا اغسل المواعين زى الشاطر هو انت لازم تحط ملح وترخم



شوفوا بقى كمية الرخامة يلا عايزة الرود وتقولوا رأيكم اللى عندة رأى حلو يقولة
واللى مش عندة راى يحلو يحاول يجامل يعنى
avatar
eman
مسئول العلاقات العامه بالمنتدى
مسئول العلاقات العامه بالمنتدى

رد: فن تعلم الرخامة على اصولها_تعالى وشوف

مُساهمة من طرف eman في الأربعاء فبراير 17, 2010 8:54 pm

انتى بتجبى الكلام الحلو ده منين يارونى

يارخمة


================ تجاره حلوان ================
واعلم
ان الامة

لو اجتمعت على ان ينفعوك بشئ...لم ينفعوك بشئ الا قد كتبه الله...
لك

واعلم
ان الامة
لو اجتمعت على ان يضروك بشئ....لم يضروك الا بشئ قد كتبه الله...
عليك

رفعت الاقلام...وجفت الصحف
avatar
نوبل
مشرف تجاره حلوان
مشرف تجاره حلوان

رد: فن تعلم الرخامة على اصولها_تعالى وشوف

مُساهمة من طرف نوبل في الخميس فبراير 18, 2010 12:10 am

ههههههههههههههههههههههههههههههههه
عارفة من كتر الرخامة الواحد مبقاش عارف يعيط ولا يضحك
بس انا عن نفسى ضحكت لغاية ما صدعت من الضحك
بجد موضوع جامد
صحيح فى حاجات باعملها بس اجرب الباقى
شكرا قوى على الموضوع يا رونى


================ تجاره حلوان ================
من اجل بسمة ضحكة ترتسم على وجوه الناس من اجل الشئ الذى نستمر به ولا نستطيع العيش من دونه
عاشق البسمة
نوبل

بكرة الثلج يدوب والشمس تطلع
avatar
هيا*HYA*
مشرفة تجاره حلوان
مشرفة تجاره حلوان

رد: فن تعلم الرخامة على اصولها_تعالى وشوف

مُساهمة من طرف هيا*HYA* في الخميس فبراير 18, 2010 5:36 am

نييييييهههههههااااااى
والله بجرب حجات كتيير من الرخامه دى على اخويا
بس هو ايه ولا بيأثر فيه اى حاجه
لانه ارخم من الرخامه نفسها
بقوله ربنا خلقك علشان ترخم عليا يعنى
بس ياريت تشوفيلى طرق جديدة اجربها عليه
وتسلميلى يا حبيبتى يا رونى
اصل انا بقيت بحب الناس الرخمه بس
زيك انتى وايمان كدة
حبايبى
avatar
ٌRONY
قائد
قائد

رد: فن تعلم الرخامة على اصولها_تعالى وشوف

مُساهمة من طرف ٌRONY في الجمعة فبراير 19, 2010 8:35 pm

هيا هيا هيا هيا هيا هيا هيا


طبعا ماهو اللذيذ يقعد بقى مع اللذيذ

وبالنسبة لطلبك لطرق اكثر رخامة من كدة

فانت تأمر يا جميل
avatar
Moshakes
الفنان
الفنان

رد: فن تعلم الرخامة على اصولها_تعالى وشوف

مُساهمة من طرف Moshakes في الثلاثاء فبراير 23, 2010 3:20 pm

الرخامه كنز لا يفنى


================ تجاره حلوان ================
لو فكرت انى احب غير الجواله محتاج عملية نزع عقل
بحبك يأأأأأأأأأأأأأأ خارجيه



    الوقت/التاريخ الآن هو الخميس مايو 24, 2018 1:35 pm