نفاق ولا مجاملة؟؟؟؟؟؟

النفاق والمجاملة

موضوع النهاردة بقى كتير محيرنى بقيت مستغرباه لانه انتشر اوى
النفاق....النفاق اللى عدنا دلوقتى بنغطيه بورقة سلوفان اسمها المجاملة
كتير مننا اوى بقى بينافق من غير ما يحس انه بينافق ويقولك لا دى اسمها مجاملة
هو يعنى ايه النفاق والمجاملة من وجهه نظركم انا مش فاهمة؟؟؟؟؟
هنا الاتنين قريبين من بعض كده هل الفرق ما بينهم شعرة؟
يعنى تستغرب لما تلاقى اتنين بيتكلموا على حد ومسكينه تريئة على طريقة لبسه وكلامه وانه شايف نفسه والخ...واول لما الشخص ده يجى يقف معاهم منتهى الحب والمشاعر.منيين؟منين بتتكلم عليه فى ظهره ومنين قدامه بحبه
فى الجامعة تلاقى البنات مسكين سيرة بنت وعمالين يتكلموا على طريقة لبسها وانها(over)ولو صدفت وجت البنت ديه وسألت البنتين اللى بيتكلموا عليهاايه رائيكوا فى لبسى تلاقيهم بيقوللها ده خطير (نيو لوك)ولو قولتلهم ده نفاق يقولوا لا دى مجاملة يعنى البنت سالتنى على لبسها اقولها ايه؟ممكن تقولياها هو ممكن يكون موضة وممكن يكون استايل وشكلك حلووجديد بس شكلك فى لبسك العادى احلى او لو كانت الجيب طويلة شويه اولو كان كذا او لوكان كذا لازم توصليلها وجهه نظرك لا نك لما تقعدى تخدعيها ومن ظهرهاتبقى بتشتمى عليها...
لكن الاغرب بقى ان الموضوع ده انتشر بين الاصحاب (الانتيم)زى ما بنقول ..اكتر حاجة بتوجع وتكسر ظهر اى واحد انه يسمع اعز اصحاب عنده بيتكلموا عليه من ظهره..طب ليه؟؟؟
ايه فى الدنيا مستاهل انك تقف تضحك مع واحد وانت مش طايقه؟؟؟ليه؟ليه متقلوش الصراحة فى وشه ليه متقولوش انا بانتقدك فى كذا وكذا؟ليه جبان يعنى هو هايموتك لو قولتله انا مش بيعجبنى فيك كذا وكذا. وحتى لو ها تخسره بس ها يحترمك ويوم لما يقف معاك اى حد يبقى عارف انك مش هاتتكلم عليه من ظهره .وانك طالما فتحت معاهم مواضيع وابتسمت فى وشه انك بتعزه وانك مش هاتتكلم عليه،لازم تكون صريح مع نفسك قبل ما تكون صريح مع غيرك،انا بحب فلان وانا مش بحب فلان.
ايه فى الدنيا ديه مستاهل انك تقف نمثل كل التمثيلية ديه قدام حد؟؟؟مش يمكن الى انت بتتكلم عليه يكون انسان كويس بجد ؟ليه متتدلهوش الفرصة انه يدافع عن نفسه ويحاول انه يبين ليك مع الايام انه كويس ؟
هل دلوقتى وقت فراغنا كله بنقضيه بنتكلم على بعض؟
ياترى وقت فراغنا هو اللى بيعمل فينا كده ولا احنا بنحب ده؟
مش معنا كده ان الناس تمشى تخبط فى بعضها لكن عايزة اقول ان بجد وحشة اوى اوى اوى لما واحد يبقى بيتكلم معاك واول لما يديك ظهره تتكلم عليه.عيب .عيب حتى قدام نفسك،تخيل كده لو كان العكس يعنى حط نفسك فى نفس الموقف.ردفعلك هيكون ايه هتبكى ولا هاتعمل ايه؟خاصة لو اقرب الناس ليك؟قولى ساعتها ها تعمل ايه؟هاتنهاروهتقول مش هااصاحب اى حد ومش هااكلم اى حد.
عايزة اقول انه للاسف ان معظمنا بقى كده.قليل منا الى بقى صريح .
احنا كمان لازم نحترم اوى الى يجى ويقولنا فى وشنا هو شايفنا اذاى،لانه جه قالى فى وشى مش فى ظهرى،صرحنى ويوم لما اجى اتكلم معاه ابقى عارف انه مش بيحبنى واحاول ابين له شخصيتى ووجهه نظرى ،بدل اما نقعد نلف وندور على بعض.لازم نشجع اللى قدامنا انه يعبر عن رايه فينا عشان نقضى على الموضوع ده ولازم كل واحد بيتكلم على غيره انه يعكس الصورة ويتخيل نفسه فى الموقف ده.
حاجه من الاتنين ياتشوف فلان اللى (مافور)ده وتسكت وتقول ربنا يهديه،او لما يجى يسالك تقوله فى وشه.
انا كمان عايزة اعرف وجهه نظركم وعايزة اعرف ايه المواقف اللى حصلتلكم اكيد كل واحد فينا داق الكاس شرب منه وايه قرار كل واحد.