الرئيسية
البوابة
أحدث الصور
التسجيل
دخول
من طرف 
6:30 ص
- باتنين جنيه عيش ياعم احمد...أيه ده؟؟؟؟
ستة بس!!! مش كانوا تمانية أمبارح....
- "يأستاذ راضى" هو فيه حاجة بتفضل على حالها؟!!
6:35 ص
- كيلو لبن ياعم احمد...
- لسة نص جنيه "يأستاذ راضى" اللبن بقى بأربعه جنيه....
- فجأه ازاى بس؟ دا بقاله يجى أسبوعين ما زادش
- طيب البيض أخباره أيه النهاردة؟.
- هو دلوقتى بخمسة وسبعين قرش...اصبر شوية لما العربية تيجى يمكن يكون رخص شلن!!!
7:30 ص
- تذكرة يأسطى
- التذكرة بخمسين قرش بس يأستاذ
- !!!!!!!!
--:10 ص
- يافندم المكافأه بتاعتى 150 جنيه والزملاء منهم اللى واخد 300 واللى واخد 400 جنيه
- "يأستاذ راضى" ما تدقش..كل مرة وانت طيب...هى التوزيعة جت كدة
2:30 م
- تذكرة يأسطى
- لسة ربع جنيه يأستاذ
- ما أنا لسة راكبه الصبح بخمسين قرش؟!!!
- دا لغاية اتناشر الظهر بس يأستاذ...
- !!!!!!!!!
3:30 م
- جايب نص فارخة بس ليه "ياراضى"؟
- قلت اصبر شوية لغاية المغرب...يمكن ترخص تانى
- " ياراضى"..... هو فيه حاجة بترخص؟!!!!
- احيانا بس ما حدش عارف امتى وليه!!!
عندك مثلا العدس.........
--:8 م
- بابا عايز مصروف بكرة...وزوده عشان اركب الميكروباص...
- ومال الاتوبيس؟!!!
- يابابا مش باحبه!!!!
- حاضر..بس توعدنى لو ما عجبكش المكروباص تركب الاتوبيس تانى...
--:10 م
--:11 م
--:--
الاستاذ راضى...بابا راضى....راضى
هو انت مش بتفكر تغير أسمك؟!!!!
