المسلمالافتراضى(Default)

قريت نوت للاستاذ محمد طه بعنوان
مسلم....!!! والذين معه.....!!!

و لفت انتباهي الجزء ده.........................
مسلم....صفة ولا اسم ولا نعت ولا مبتدا ولا خبر ولا فعل ولا
مفعول به....

احنا اييييه....؟؟؟
انت معرفتش رسالتك ..ولا عرفت حياتك .....

التالي مش تعليق و لا رد علي كلام استاذ محمد لان السياق مختلف

<<<<<<<ده ردي انا على نفسي لما بتدور نفس الافكار في دماغي>>>>

انا هنا بناقش باختصار من وجهة نظري من اللي استنجته من اللي اتعلمته

اهداف المسلم -1

ازاي يوصل ليها -2

من بين 1.2 بليون مسلم مين هيوصل ليها -3

اولا

المسلم عنده هدفين

نجاح + سعادة على الارض -1

مرافقة النبي في الجنة -2

ثانيا

المسلم بيعمل كده ازاى؟
اى مسلم عنده الحاجات دي باذن الله يوصلهم

معرفة -1
بربه
بنفسه
بنبيه
بدوره العام(خليفة الله على الارض)و الخاص(تطبيق العام في الركن الخاص بيه)

انتماء لوطنه الحقيقي -2

هوية -3

رسالة (نظرية)+ رؤية ( تطبيق) -4

مهارات لتحقيقهم -5

اولويات واضحة -6

قدوة ثابتة و اخر متغيرة -7

ابداع و استخدام لكل طاقاته -8

حب و طلب دائم للعلم الديني و الحياتي الي في اصله ديني-9

معرفة بشئ عن كل شئ(ثقافة )-10
و كل شئ عن شئ(تخصص)

نظرة شمولية للنجاح + و السعادة -11

تفاصيل تانية كتير -12

&&&&شرح اكتر.........................

المسلم مش فعل و اكيد مش مفعول به المسلم فاعل و الافضل فعال

رسالته العامة العبادة و التعمير و تزكية النفس و معرفة الله الي
هي اصل كل العلوم و رسالته الخاصة تحقيق(رسالته العامة) - و ده الي ربنا خلقه عشانه - من خلال دوره على الارض و دائرة تأثيره و سلطانه

المسلم عنده انتماء لوطنه الحقيقي(الجنه) و مدرك تماما ان الدنيا و بشريته مرحلة انتقالية

و على الرغم من كده محقق الموازنة و متقن لعمله بيعمر الارض لانها الطريق و بيبقى احسن حاجة ممكن يكونها فنبقى كلنا في النهاية على المستوى الجماعي
"خير امة اخرحت للناس"

المسلم مش مجرد ممارس جيد, المسلم مبدع, مستغل لكل طاقاته, امانته مصدرها انه عارف و هو بيمارس عمله انه بيعمر الارض فمديره طبعا مديره انما في الاصل هو شغال عند ربنا

المسلم متفائل مصدق نبيه لما قال(تفائلوا بالخير تجدوه) مصدق انه يقدر يكون حاجة و انه ممكن يغير الدنيا بمجرد انه يغير نفسه و انه يقدر يخلي الارض مكان احسن بانه يركز و يتقن و يبدع في الركن الصغير الي ربنا حطه فيه

المسلم فاهم ان رسوله كان انجح الخلق و اسعدهم لان نجاحه
مادي و روحاني - ديني و دنيوي
" لقى لما رجع لكتاب " المائة الأكثر أثرا فى التاريخ
سيدنا محمد متصدر القائمة عشان نفس السبب و ان المؤلف الامريكي الجنسية اليهودي الديانة معايير النجاح عنده مش مختلة

المسلم حاسس و محترم ادمية نفسه قبل غيره و فخور لانه
المخلوق الوحيد الي الملايكة سجدتله و ان ابليس انطرد من الجنة عشان رفض يسجد لادم ابوه

المسلم فاهم اد ايه عنده كرامة اد ايه هو حاجة كبيرة لانه خليفة الله في الارض
فاكر الامانة اللي كل المخلوقات خافت تشيلها و انه
اختار انه في حاجات كتير يكون مخير يحب و يعبد و يروح لربنا بمزاجه


فاهم انه اتخلق عشان ينجح و يبقى سعيد و مفهومه
للاتنين شمولي,النجاح دين و دنيا و السعادة سكينة و راحة بال مش بس لذة وقتية

فاهم ان الانسان روح و جسم و عقل موازن ما بين احتياحاتهم
فالنتيجة مفيش صراع داخلي

المسلم عنده قدوتين انا بسميهم ثابتة و متغيرة
الثابتة هى النبي لانه مستحيل يبقى احسن منه لكنه دايما بيقلده و المتغيره حد بيقتدي بيه يوصله و يعديه و يشوف حد اكبر منه و هكذا

المسلم متدين من غير تعصب متفتح من غير تحرر

المسلم عنده هوية
معتز بدينه و اصله و لغته و تاريخه و حضارته و فاهمهم
فمش حاسس بالهزيمة الداخلية عنده مناعه ضد الانبهار الجزئي و محتفظ بثوابته
بيتعلم من رسل و صحابة و علماء و رموز مسلمين و غير مسلمين و لادينيين و بيختلط باى حد من غير ما يكون سفنجه

لما بيتسال

انت مين؟

ايه رسالتك؟

ايه اهم حاجة في حباتك؟

ايه اهدافك؟

ايه اولوياتك؟

شايف نفسك فين كمان عشر سنبن؟

مين قدوتك؟

مصدق انك ممكن تبقى انجح واحد في العالم في حاجة؟

لو اه, ايه الخطوات الي خدتها عشان تبقى كده؟

******مش بيتنح********

اه صحيح ثالثا: من بين 1.2 بليون مسلم مين هيوصل؟

انا هنا بتكلم عن المسلم الافتراضي ال
default
يعني لو عايز تعرف مين اسال نفسك الاسئلة اللي فوق و اسال غيرك و لو لقيت اجابة حاضرة في ذهنك يبقى- من 1.2 بليون - انت واحد في الطريق