الرئيسية
البوابة
أحدث الصور
التسجيل
دخول
من طرف اتش خارجيه الإثنين فبراير 08, 2010 4:22 amالسلام عليكم
كل سنه وانتم طيبين
يارب تكونوا كلكم بخير
الموضوع النهارده يمكن يكون موضوع مجنون يمكن يكون موضوع صعب لكن .........مش مستحيل
من كام يوم احتفلنا كلنا وفرحنا بفوز مصر ببطولة افريقيا
مش هو دا المهم المهم انى بحاول اتخيل معاكم لحظات الفرحه والقلق والحزن والحيره والجنون واى احساس كان موجود
فى اللحظات دى ..........لكن برده مش هو دا المهم
المهم هو الحاله اللى الكل كان عليها
نفس الحاله القلق على وشوش الكل الفرحه على وشوش الكل
اى احساس واى رد فعل كان مشترك
هودا الموضوع احنا ليه بنتجمعش غير فى الحاله احنا ليه مبنتجمعش غير فى حالة رد الفعل
انا هاقولكوا على حلم كنت ساعات كتيره بقول انوا حلم غبى
كنت بحلم بحياه واحده احساس واحد حلم واحد
لما حسيت الكلام دا فى الفتره الاخيره قولت ايه المانع
ايه المانع انناننسا نفسنا لايام
انا عندى اقتراح
نحلم كلنا بحلم واحد بس نحلم لينا كلنا
ننسى خلافتنا لمدة اسبوع واحد ننسى همومنا ننسى وحدتنا ننسى اننا عايشين لوحدنا
لمده اسبوع حطوا هدف واحد لينا كلنا هدف واحد نتلم عليه كلنا
اى شىء فى الدنيا هو مجرد فكره ليه منخلهوش لينا فرصه
فرصه اننا نحقق شىء نفتخربيه نحس بطعم الفرحه لما نعمله
اسبوع واحد اجمعوا على هدف واحد انسوا خلافتنا مع الناس انسوا همومكم علشان خاطر الناس
اتكلموا بصوت واحد احلموا بحلم واحد حبوا بقلب واحد غنوا غنوه واحده
صدقونى وانا بكلكوا او بكتب موضوعى بحس انى بحلم
لكن فى نفس الوقت انا بوصل رساله والانسان ما هو الا رساله
رساله حلوه لناس اتعلمت منها رساله وحشه الناس رميتها رساله ملهاش معنى الناس عمرها
ما اهتمت بيها ولا فتحتها
انت مين عايز ايه عملت ايه للناس علشان تستحق تعيش وسطهم
يمكن اكون بخرف بس صدقونى جربوا انكوا تجتمعوا على هدف واحد وحتحققوا
علشان اتجمعتوا حوليه وعايزين تحققوا
اسبوع واحد ........جربوا ولو خسرتوا مش هتخسروا اكتر من اللى خسرتوا
اقترحوا حاجه واحده نتلم حوليها كلنا ونحققها وان مكنتش ليك فبكره فى حلم
اكبر لينا كلنا
زى ما قولتلكم اى شىء فى الدنيا مجرد فكره للى يستغلها اصبحت فرصه
فرصه استغلها وخاض فيها
بتمنى انى يكون دا موضوع يستحق المناقشه
بتمنى انوا يكون فرصه لان الفكره اكيد جوانا كلنا لان الانسان فطرته على حب الخير
موجوده فيه مخلوق بيها حتى لو كان جواه هو انسان انانى او مغرور او مبيحبش حد
اى انسان فى الدنيا فطرته الخير لكن الدنيا والوساوس الكدابه هى اللى بتبنى الشخصيات المكروهة او الغير
سويه ........ارجوكم اعذرونى على جنونى
واذرونى اكتر على طول الموضوع
بس دى فطره برده اصل انا طويل شويه ههههههههههههههههههههههههههه
والسلام ختام
